ហួសចិត្ត! តារាម៉ូដែលស្រី វ័យក្មេង ក្បត់ប្រុសស្នេហ៍ ទៅដេក ជាមួយគេ រួចថតរូប គំរាមបង្ហោះ ដើម្បីទារប្រាក់ទៀត!

បរទេស៖ តារាម៉ូដែលស្រី វ័យក្មេងម្នាក់ បានលួចក្បត់ប្រុសស្នេហ៍ ទៅដេករួមរ័ក្ស ជាមួយនឹង កីឡាករហូកេម្នាក់ (កីឡាកូនហ្គោលម្យ៉ាង លេងលើទឹកកក) រួចបានថតរូបទុក និងគំរាមបង្ហោះ រូបនោះ ទៅលើបណ្តាញសង្គម ទៀតផង ជាថ្នូរនឹងទឹកប្រាក់ ជាង១,០០០ដុល្លារ។

យោងតាមប្រភពព័ត៌មាន បានឲ្យដឹងថា តារាម៉ូដែលស្រី ខាងលើ មានឈ្មោះថា Kateřina Provazníková មានអាយុ ១៨ឆ្នាំ បានលួចក្បត់ប្រុសស្នេហ៍ ទៅដេករួមរ័ក្ស ជាមួយនឹង កីឡាករហូកេ វ័យ៤៣ឆ្នាំ មានឈ្មោះថា Jaromir Jagr និងបានថតរូបទុក ទៀតផង។

ប្រភពដដែល បានឲ្យដឹងទៀតថា នាង Kateřina បានគំរាមបង្ហោះរូបថត នៅលើគ្រែនោះ ទៅលើបណ្តាញសង្គម ប្រសិនណា កីឡាករ Jaromir មិនព្រមប្រគល់ប្រាក់ ចំនួន ១,២០០ផោន ឬប្រហែល ១,៨០០ដុល្លារ ទៅឲ្យនាង។ ផ្ទុយទៅវិញ កីឡាករខ្លួនមួយ Jaromir បែរធ្វើហី មិនខ្វល់ចំពោះ ការគំរាមគំហែងនេះ ដោយគាត់បាននិយាយថា គាត់មិនខ្វល់ឡើយ ព្រោះគាត់គ្មានមិត្តស្រី។

គួរបញ្ជាក់ផងដែរថា នាង Kateřina មានសង្សារ រួចទៅហើយ ហើយបុរសនោះ គឺជាកីឡាករហូកេ ជំនាន់ក្រោយ របស់សាធារណរដ្ឋឆែក (Czech) មានឈ្មោះថា Dominik Rudl ខណៈលោក Jaromir គឺជានិមិត្តរូប របស់ Dominik ទៀតផង។

គួររំលឹកផងដែរថា កីឡាករហូកេជំនាន់ក្រោយ Dominik រូបនេះ បានកើតនៅក្នុងឆ្នាំ ១៩៨៦ ដែលពេលនោះ កីឡាករហូកេ Jaromir បានឈ្នះពាន់រង្វាន់ Stanley Cups ចំនួន ២ បាត់ទៅហើយ។

យ៉ាងណាមិញ រឿងរ៉ាវមួយនេះ ក៏បានលេចធ្លាយ និងល្បីសុះសាយ ពាសពេញបណ្តាញសង្គម មួយចំនួន ដូចជា Twitter, Instagram និង Facebook ជាដើម ហើយក៏មាន អ្នកប្រើប្រាស់ បណ្តាញសង្គម មួយចំនួន ថតរូបនៅលើគ្រែ ធ្វើត្រាប់តាម នាង Kateřina ទៀតផង៕