ផ្លាស់ប្តូរកាគិត និងសកម្មភាពដើម្បីផ្លាស់ប្តូរលទ្ធផលក្នុងថ្ងៃអនាគត

មានមនុស្សច្រើនណាស់ដែលមានការខិតខំប្រឹងប្រែងក្នុងជីវិត ប៉ុន្តែលទ្ធផលដែលពួកគេទទួលបានគឺមិនសូវជាខុសពីលទ្ធផលកាលពីអតីតកាលឡើយ។ កត្តានេះមិនមែនមកពីពួកគាត់គ្មានចំនេះដឹង និងបទពិសោធន៏នោះទេ តែវាកើតឡើងដោយសារតែពួកគាត់មានការគិត និងសកម្មភាពដដែរៗទើបលទ្ធផលដែលទទួលបានមកនោះនៅតែដដែរ។ ប្រសិនបើអ្នកមិនចង់មានបទពិសោធន៏ក្នុងការទទួលលទ្ធផលដដែរៗទេនោះ ជំហានដំបូងគឺអ្នកគួរតែផ្លាស់ប្តូរការគិត និងសកម្មភាពរបស់អ្នកជាមុនសិន។ វីធីសាស្ត្រ ៤ ក្រោមអាចជួយអ្នកបានក្នុងការផ្លាស់ប្តូរ។


1) បង្កើតការមានទំនួលខុសត្រូវ
ការមានទំនួលខុសត្រូវមិនត្រឹមតែធ្វើឱ្យមនុស្សម្នាក់មានការអភិវឌ្ឍន៏ខ្លួនទៅរកភាពជោគជ័យប៉ុននោះទេ តែថែមទាំងធ្វើឱ្យមនុស្សដែលនៅជុំវិញខ្លួនមានការគោរពរាប់អានច្រើនទៀតផង។ ទំនួលខុសត្រូវទាំងនោះសំដៅទៅលើជំរើស ការគិត សកម្មភាព និងឥរិយាបថរបស់អ្នក។

2) បង្កើតសកម្មភាពស្របទៅនឹងគោលដៅ
រាល់ថ្ងៃអ្នកធ្លាប់បានពិនិត្យមើលសកម្មភាពប្រចាំថ្ងៃរបស់អ្នក ថាតើវាជាសកម្មភាពដែរស្របទៅនឹងគោលដៅរបស់អ្នកហើយឫនៅ? បើសិនជាសកម្មភាពទាំងនោះផ្ទុយពីអ្វីដែលអ្នកបានកំណត់ទុកនោះ អ្នកនឹងត្រូវចំណាយពេលវេលាយូរ និងមិនងាយឈានទៅរកភាពជោគជ័យឡើយ។ ចាប់ផ្តើមជាមួយនឹងសកម្មភាពប្រចាំថ្ងៃ អ្នកនឹងមើលឃើញពីភាពផ្លាស់ប្តូរក្នុងរយ:ពេលយ៉ាងយូរ ៦ ខែ។

3) បង្កើតក្តីសុបិន្តធំ
ក្នុងការជំរុញខ្លួនឱ្យទៅដល់ចំនុចជោគជ័យខ្ពស់នោះ អ្វីដែលអ្នកត្រូវធ្វើមុនគេគឺពង្រីកក្តីសុបិន្តរបស់អ្នកជាមុនសិន។ សុបិន្តទៅដល់រូបភាពដែលអ្នកទទួលបានជោគជ័យ អ្វីដែលអ្នកចង់បាន និងភាពរីករាយប្រកបដោយទំនុកចិត្ត និងភាពជឿជាក់។

4) បន្តការរៀន
កុំពេញចិត្ត និងមានអំនួតនូវអ្វីដែលអ្នកបានចេះ និងដឹង។ ចំនេះវិជ្ជាគឺគ្មានព្រំដែនកំណត់ឡើយ ហើយអ្វីៗបានអភិវឌ្ឍន៏ទៅមុខឥតឈប់ឈរ ដូច្នេះបើសិនជាអ្នកមិនព្រមដាក់ចិត្តបន្តការរៀនទេនោះ អ្នកនឹងត្រូវដើរថយក្រោយពីមួយថ្ងៃទៅមួយថ្ងៃ។
ប្រភព៖ v-shared.com