១០ មេរៀនដែលអាចជួយអ្នកឱ្យក្លាយជាមហាសេដ្ឋីដូចលោក BILL GATES

កាលពីអំឡុងឆ្នាំ ១៩៧៥ ក្រុមហ៊ុនផលិតកម្មវិធីកុំព្យូទ័រមួយដែលមានមូលដ្ឋាននៅសហរដ្ឋអាមេរិចត្រូវបានបង្កើតឡើងដោយមានឈ្មោះជាផ្លូវការថា​ “Microsoft”។ ស្ថាបនិករបស់ Microsoft បច្ចុប្បន្នជាមហាសេដ្ឋីដែលមានជាងគេលើលោក និងក៏ត្រូវបានពិភពលោកចាត់ទុកថាជាមនុស្សដែរជោគជ័យបំផុតផងដែរ។ បុរសដែលបានរៀបរាប់ខាងលើមានឈ្មោះថា Bill Gates ដែលសហគ្រិនភាគច្រើនទូទាំងពិភពលោកធ្លាប់លឺ និងស្គាល់រូបលោក។ លោកមិនត្រឹមតែជាមនុស្សដែលជោគជ័យទេ ប៉ុន្តែថែមទាំងជាអ្នកចែករំលែកចំនេះដឹងនៃភាពជោគជ័យដ៏អស្ចារ្យផងដែរ។ លោកបានចែករំលែកមេរៀន ១០ ដែលលោកធ្លាប់ធ្វើ និងទទួលបានជោគជ័យដូចសព្វថ្ងៃនេះ។

1) សំណាង

ការនិយាយពីពាក្យថា “សំណាង”ប្រហែលជាមានមនុស្សជាច្រើនមិនជឿឡើយ។ ប៉ុន្តែចំពោះលោក Bill Gates ជឿទៅលើរឿងនេះ។ សំណាងនោះហើយដែលបណ្តាលចិត្តលោកបង្កើតក្រុមហ៊ុន Microsoft បាន។ វាកើតឡើងនៅពេលដែលលោកអាយុ ១៣ ឆ្នាំ និងរៀននៅថ្នាក់ទី ៨។ សាលារបស់លោកបានទិញកុំព្យូទ័រសំរាប់ឱ្យសិស្សអនុវត្តន៏ដែលជារឿងមួយមិនធ្លាប់មានសំរាប់វិទ្យាល័យផ្សេងៗ។ ការដាក់កុំព្យូទ័រឱ្យសិស្សប្រើប្រាស់នេះហើយ ដែលបានឆក់ចិត្តលោកឱ្យស្រលាញ់និងចូលចិត្តកុំព្យូទ័រ។​

2) ធ្វើឱ្យសំណាងដែលទទួលបានកាន់តែមានតំលៃ

មិនមែន Bill Gates តែម្នាក់ទេដែលទទួលបានសំណាងនោះ ប៉ុន្តែសិស្សទាំងអស់សុទ្ធតែទទួលបានវា ប៉ុន្តែអ្វីដែលធ្វើឱ្យលោកជោគជ័យនោះគឺការខិតខំប្រឹងប្រែងចាប់យក និងធ្វើឱ្យសំណាងនោះមានតំលៃ។ លោកបានដឹងថាក្នុងសម័យនោះបច្ចេកវិទ្យាកុំព្យូទ័រជាពិសេសកម្មវិធីសំរាប់ប្រើប្រាស់មិនទាន់មានច្រើនដូចសព្វថ្ងៃឡើយ ដូច្នេះបើសិនជាលោកខិតខំប្រឹងប្រែងសិក្សានិងចាប់យកឱកាសនេះ លោកនឹងទទួលបានភាពជោគជ័យជាក់ជាមិនខាន។

3) ស្វែងរកអតិថិជន

គន្លឹ:ជោគជ័យ និងបរាជ័យនៅក្នុងអាជីវកម្មគឺស្ថិតលើចំនុចនេះ បើសិនជាអ្នកមានភាពខ្ចិលច្រអូសក្នុងការស្វែងរកអតិថិជន អាជីវកម្មរបស់អ្នកក៏នឹងមិនអាចជោគជ័យបានដែរ។ នៅពេលដែលចាប់ផ្តើមបង្កើត Microsoft ដំបូង Bill Gates និង ដៃគូរសហការរបស់លោកគឺ Paul Allen  បានខិតខំយ៉ាងខ្លាំងក្នុងការទាក់ទងស្វែងរកអតិថិជន ហើយចុងក្រោយលោកបានទទួលការបញ្ជាទិញពី MITS និងបង្កើតក្រុមហ៊ុនជាផ្លូវការក្នុងខែ មេសា ឆ្នាំ ១៩៧៥។

4) គុណភាពគឺជាកត្តាចំបង

ទោះជាលោក Bill Gates ជាអគ្គនាយកក្រុមហ៊ុន Microsoft ក្តី ក៏លោកមិនដែលបណ្តោយឱ្យផលិតដែលក្រុមហ៊ុនបញ្ចេញទៅមិនមានការពិនិត្យពីលោកឡើយ។ លោកតែងធ្វើការពិនិត្យរាល់ផលិតផលទាំងអស់ ហើយធ្វើការកែសំរួលរហូតក្លាយជាផលិតផលមួយដែលល្អឥតខ្ចោះទើបលោកអនុញ្ញាតឱ្យដាក់លក់លើទីផ្សារ។

5) គំនិតដែលមានគឺត្រូវបង្ហាញ មិនមែនគ្រាន់តែនិយាយឡើយ

រាល់គំនិតដែលអ្នកមានគួរតែធ្វើវាឱ្យចេញជារូបរាង មិនមែនគ្រាន់តែនិយាយហើយទទួលបានជោគជ័យនោះទេ តួយ៉ាងដូចលោក Bill Gates ធ្លាប់ធ្វើការប្រាប់ទៅកាន់មនុស្សទូទៅអំពីផលិតផលរបស់លោក ប៉ុន្តែគ្មាននណារម្នាក់ជឿឡើយ ទាល់តែផលិតផលនោះចេញជារូបរាង។

6) សេចក្តីព្យាយាម

មនុស្សគ្រប់រូបប្រហែលជាបានដឹងច្បាស់ថា ជោគជ័យមិនមែនកើតឡើងដោយគ្មានការព្យាយាមឡើយ។ មេរៀនដែលលោក Bill Gates បានទទួលហើយចែករំលែកនោះគឺការចាប់ផ្តើមប្រតិបត្តិការ OS ដំបូង។ window 1.0 គឺជា OS ដំបូងដែលក្រុមហ៊ុនបានបង្កើត ប៉ុន្តែវាមិនបានទទួលជោគជ័យឡើយ ហើយ ២ ឆ្នាំក្រោយមកជាមួយនឹងការកែប្រែនិងបង្កើត window 2.0 ប៉ុន្តែវានៅតែបរាជ័យ។ រហូតមកដល់ឆ្នាំ ១៩៩០ ជាមួយការបង្កើត window  3.0ទើបមានការទទួលស្គាល់ និងគាំទ្រ។

7) ចែករំលែកទស្សន:វិស័យ

លោក Bill Gates មិនដែលលាក់ទុកនូវអ្វីដែលខ្លួនដឹង និងយល់ឡើយ ប៉ុន្តែលោកថែមទាំងយករឿងទាំងនោះធ្វើការចែកចាយទៀតផង។ ការចែករំលែកនូវទស្សន:វិស័យមិនត្រឹមតែគ្មានអ្វីបាត់បង់ ហើយថែមទាំងជួយពង្រីកនៅការមើលឃើញទៀងផង ព្រោះមនុស្សម្នាក់គំនិតមួយ មនុស្សច្រើនគំនិតច្រើន។

8) ទីផ្សារការពិតមិនស្មុគស្មាញដូចអ្វីដែលអ្នកគិតឡើយ

លោក Bill Gates បាននិយាយថា មនុស្សមិនទិញផលិតផលព្រោះតែ Logo និងតំលៃទាបឡើយ ប៉ុន្តែមនុស្សទិញផលិតផលព្រោះតែអត្ថប្រយោជន៏ និងតំរូវការរបស់ពួកគេ។

9) កុំរៀនពីភាពជោគជ័យ

វាប្រហែលជាមានភាពប្លែក និងផ្ទុយពីគំនិតរបស់មនុស្សជោគជ័យដទៃ។ លោក​Bill Gates បាននិយាយថាការសិក្សាពីភាពជោគជ័យរបស់អ្នកដទៃមិនអាចជួយអ្នកឱ្យជោគជ័យឡើយ ព្រោះបទពិសោធន៏របស់អ្នកនិងពួកគេមិនដូចគ្នាឡើយ។ ម្យ៉ាងវិញទៀតការរៀនពីភាពជោគជ័យរបស់អ្នកដទៃ និងបាំងអ្នកមិនឱ្យមើលឃើញច្បាស់ពីគោលដៅពិតរបស់អ្នក។

10) រៀនពីអតិថិជនដែលមិនសប្បាយចិត្ត

ការសិក្សាពីការមិនពេញចិត្តរបស់អតិថិជនចំពោះផលិតផលពិតជាមានសារ:សំខាន់បំផុត ព្រោះអតិថិជនដែលមិនសប្បាយចិត្តនឹងនិយាយ ក៏ដូចជាធ្វើគ្រប់សកម្មភាពតាមអារម្មណ៏របស់ពួកគេ។ ដូច្នេះអ្វីដែលអ្នកទទួលបានពីអតិថិជនប្រភេទនេះនឹងជួយអ្នកក្នុងការកែលំអផលិតផលរបស់អ្នកកាន់តែល្អ។
ប្រភព៖v-shared.com