ភ្នំពេញ : កម្លាំងនគរបាល ផ្នែកព្រហ្មទណ្ឌ នៃអធិការដ្ឋាននគរបាល ខណ្ឌមានជ័យ សហការជាមួយនគរបាល ប៉ុស្តិ៍អង្រែលើ នៅវេលាម៉ោង៤:៥០នាទី រសៀលថ្ងៃ ទី១៦ ខែកក្កដា ឆ្នាំ២០១៥ បានឃាត់ខ្លួន ជនសង្ស័យម្នាក់ ពីបទលួចម៉ូតូ របស់ជនរងគ្រោះ នៅចំណុច កើតហេតុ មុខផ្ទះលេខ1209 ផ្លូវជាតិលេខ២ ភូមិ ព្រែកតាគង់ សង្កាត់ ចាក់អង្រែលើ ខណ្ឌមានជ័យ ។

លោក ម៉េង វិមានតារា អធិការរងនគរបាល ខណ្ឌមានជ័យ ទទួលផែនព្រហ្មទណ្ឌ បានបញ្ជាក់ថា កម្លាំង សមត្ថកិច្ចនគរបាលខណ្ឌ និងនគរ បាលប៉ុស្តិ៍ចាក់អង្រែលើ បានតាមឃាត់ខ្លួនជនសង្ស័យរូបនេះ មាន ឈ្មោះ ថុល សុធា អាយុ៣៥ឆ្នាំទីលំនៅផ្ទះគ្មានលេខ ផ្លូវលំ ភូមិសិត្បូ ឃុំសិត្បូ ស្រុកស្អាង ខេត្តកណ្តាល មុខរបរ មិនប្រាកដ នៅចំណុចសាលាអន្តរជាតិISPP ផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ ក្នុងពេលធ្វើសកម្មភាពលួច ម៉ូតូ១គ្រឿង ម៉ាកស្គូបពី ពណ៍ផ្កាឈូក សេរី២០១១ ពាក់ស្លាកលេខ ភ្នំពេញ1BB-5983 របស់ជន រងគ្រោះឈ្មោះ សុខ មិុច ភេទ ស្រី អាយុ៣៥ ឆ្នាំមុខរបរ លក់ដូរ ស្នាក់នៅចំណុចកើតហេតុខាងលើ។

លោក ម៉េង វិមានតារា បានបញ្ជាក់ទៀតថា ខណ:ជនសង្ស័យកំពុងធ្វើសកម្មភាពនោះ ស្រាប់តែជនរងគ្រោះ ដឹងទាន់ ហើយស្រែកឆោឡោ ក៏ធ្វើអោយមានការភ្ញាក់តែម្តង ខណ:នោះកម្លាំងនគរបាលរបស់ នៅក្បែរកន្លែង កើតហេតុ ក៏ចេញជួយអន្តរាគមន៏ រហូតចាប់ បានជននេះតែម្តង ។

បច្ចុប្បន្នជនសង្ស័យបាននាំខ្លួនមកអធិការដ្ឋាននគរបាលខណ្ឌ ដើម្បីកសាងសំណុំរេឿងបញ្ជូន ទៅសាលាដំបូង រាជធានី ភ្នំពេញ។ ចំណែកវត្ថុតាង(ម៉ូតូ) បានប្រគល់ជូនជនរងគ្រោះវិញហើយ៕

ផ្តល់សិទ្ធដោយ ដើមអម្ពិល