ម្សិលមិញ ជាថ្ងៃខួបកំណើត ខេមរៈ សេរីមន្ត មែនពិត តែគាត់ មិនដែលភ្លេចគុណ ឪពុកម្តាយឡើយ

ភ្នំពេញ៖ កាលពីម្សិលមិញនេះ ជាថ្ងៃខួបកំណើតរបស់ តារាចម្រៀងដ៏ល្បីឈ្មោះ លំដាប់ប្រទេស លោក ខេមរៈ សេរីមន្ត ដែលមានFan ជាច្រើនបានជូនពរដល់គាត់។ ហើយជាពិសេសទៀតនោះ លោកបានបង្ហាញនូវការដឹងគុណ ដល់ឪពុកម្តាយ ដែលបានផ្តល់កំណើត និងចិញ្ចឹមបីបាច់ផងដែរ។

យោងតាមទំព័រហ្វេសប៊ុក ឃើញមានការបង្ហោះរូបភាព ខេមរ: សេរីមន្តជាមួយឪពុកម្តាយ និងការអោនសំពះ លោកអ្នកមានគុណទាំងពីរ ក្នុងថ្ងៃខួបកំណើតនោះផងដែរ។ ទំព័រហ្វេសប៊ុក ខេមរ: សេរីមន្ត បានសរសេរសារខាងលើរូបថតថា "ថ្ងៃនេះជាថ្ងៃខួបកំណើតរបស់ខ្ញុំ តែក៏ជាថ្ងៃខួប ដែលអ្នកម្ដាយរបស់ខ្ញុំឆ្លងទន្លេ យ៉ាងលំបាកដើម្បីឲ្យខ្ញុំ បានឃើញពិភពលោកដ៏ល្អមួយនេះ ហើយអ្នកម្ដាយលោកឪពុក នៅតាមបីបាច់ថែរក្សាខ្ញុំ មិនគិតការនឿយហត់ឡើយ នេះគឺជាមហាគុណដែលមិនអាចកាត់ថ្លៃ ខ្ញុំសូមបួងសួងដល់ទេវតា វត្ថុសក័្កសិទ្ធ ក្នុងលោកជួយឲ្យ លោកឪពុកអ្នកម្ដាយរបស់ខ្ញុំ មានសុខភាពល្អ និងជន្មាយុយឺនយូរកុំបីអាក់ខានឡើយ" ។

មិនតែប៉ុណ្ណោះ ក៏មានអ្នកគាំទ្រជាច្រើននាក់ បានរៀបចំ ធ្វើពិធីខួបកំណើត ឲ្យលោក ខេមរៈ សេរីមន្ត យ៉ាងពិសេស។ ហើយបើនិយាយពីអារម្មណ៍ របស់គាត់វិញ ក៏សប្បាយចិត្តមិនតិចផងដែរ ពេលឃើញ Fan  បានធ្វើឲ្យគាត់ភ្ញាក់ផ្អើលបែបនេះ៕