5 វិធីសាស្ត្រជួយឲ្យអាជីវកម្មតាម ONLINE ឈរជើងបាន

តាមការសិក្សាស្រាវជ្រាវបានឲ្យដឹងថា ជារៀងរាល់ថ្ងៃមានមនុស្សប្រមាណជា 2.5 ពាន់លាននាក់បាននឹងកំពុង ប្រើប្រាស់ប្រព័ន្ធ Internet។ ប្រសិនបើអ្នកមានបំណងចង់បង្កើតអាជីវកម្មក្នុងពិភព Internet ឫ ក៏ពង្រីកសក្តានុពលអាជីវកម្មដែលមានស្រាប់ នោះប្រព័ន្ធ Internet ពិតជាជួយអ្នកក្នុងការពង្រីកសក្តានុពលអាជីវកម្មជាមួយនឹងអតិថិជនដែលគ្មានដែនកំណត់។យ៉ាងណាមិញ អាជីវកម្មជាច្រើនក៏បានដួលរលំព្រោះតែមិនបានយល់ច្បាស់ និងយល់ខុសពីការទាញយកប្រយោជន៏ពីប្រព័ន្ធ Internet។ នេះជាវិធីសាស្ត្រ 5 ដែលគេហទំព័រ Vshare បានសិក្សាស្រាវជ្រាវដើម្បីជួយអ្នកក្នុងការកសាងអាជីវកម្មដែលប្រើប្រាស់ប្រព័ន្ធ Internet ឲ្យបានជោគជ័យ។



1.កុំនិយាយអ្វីបំផ្លើសនូវអ្វីដែលអ្នកមាន

នៅពេលដែលអាជីវកម្មរបស់អ្នកនូវមិនទាន់មានភាពល្បីល្បាញ ការប្រើប្រាស់ល្បិចក្នុងការផ្សព្វផ្សាយពិតជាបានលេចឡើងក្នុងខួរក្បាលរបស់អ្នក។ ទោះជាយ៉ាងណាការប្រើប្រាស់នូវល្បិចដើម្បីទាក់ទាញអតិថិជនវាពិតជាអាចធ្វើឲ្យអាជីវកម្មត្រូវបានស្គាល់ពីអតិថិជនយ៉ាងច្រើន ប៉ុន្តែអ្វីដែលអ្នកបានផ្សព្វផ្សាយចំពោះគុណភាពផលិតផល ឫសេវារបស់អ្នក ចាំបាច់ត្រូវដូចអ្វីដែលអ្នកបានអ៊ួត បើមិនដូច្នោះទេកេរ្តិ៏ឈ្មោះនៃអាជីវកម្មរបស់អ្នកនឹងត្រូវបាត់បង់ក្នុងរយះពេលខ្លី។ ជំនួសឲ្យវិធីសាស្ត្រខាងលើអ្នកអាចធ្វើការផ្តោតលើអតិថិជនក្នុងកំរិតដែលអ្នកអាចគ្រប់គ្រងបាន និងផ្តល់ឲ្យពួកគាត់នូវផលិតផល ឫសេវាដែលអ្នកបានផ្សព្វផ្សាយទៅពួកគាត់ រួចបំពេញឲ្យបានតាមដែលអ្វីដែលអ្នកបានផ្សព្វផ្សាយ។ នៅពេលដែលមនុស្សមួយក្រុមតូចនោះ ជឿជាក់ និងពេញចិត្តនូវទំនិញ និងសេវារបស់អ្នកហើយពួកគាត់នឹងជួយផ្សព្វផ្សាយអោយអ្នកទៅកាន់មនុស្សជាច្រើន ពេលនោះអ្នកអាចផ្សព្វផ្សាយផលិតផល ឫសេវាកម្មរបស់អ្នកដោយមិនចាំបាច់ប្រើប្រាស់ល្បិចទាក់ទាញទៀតឡើយ។



2.ធ្វើវាឲ្យមានលក្ខណះសាមញ្ញ

វិបសាយរបស់អ្នកប្រៀបដូចជាទីតាំងអរូបិយរបស់អ្នក ព្រោះវាបានផ្ទុកនូវព៍តមានអាជីវកម្មរបស់អ្នកដែលអាចអោយអតិថិជន ក៏ដូចជាដៃគូរដែលមានបំណងចង់វិនិយោគមានភាពងាយស្រួលក្នុងការដឹងពីប្រតិបត្តិការអាជីវកម្មរបស់អ្នក។ ធ្វើវាឲ្យមានលក្ខណះសាមញ្ញ និងស្អាត ដែរសូម្បីតែអ្នកមិនសូវចេះប្រើប្រាស់កំព្យូទ័រក៏អាចស្វែងរកព៍តមានយ៉ាងងាយ។ លើសពីនេះនៅក្នុងវិបសាយរបស់អ្នកគួរតែមានផ្តល់អ្វីដែលមានប្រយោជន៏ចំពោះអតិថិជន ដូចជា ការដាក់អោយទាញយកនូវកម្មវិធីទូរស័ព្ទ ឫកុំព្យូទ័រដោយឥតគិតថ្លៃ, ព៍តមានសំខាន់ៗ។ល។



3.ចំណាយពេលក្នុងការអភិវឌ្ឍមាតិការឲ្យមានការចាប់អារម្មណ៏

មាតិការគឺជាចំណុចរសើបបំផុតនៅក្នុងវិបសាយរបស់អាជីវកម្មនីមួយៗ។ មាតិការដែលល្អ និងផ្តល់អត្ថប្រយោជន៏ក្នុងការទាក់ទាញអ្នកចូលមើលបានយ៉ាងច្រើន ដែលធ្វើឲ្យពួកគាត់ជាប់ដិតដាមក្នុងអារម្មណ៏ចំពោះផលិតផលរបស់អ្នក ដូចនេះក្នុងវេលាណាមួយពួកគាត់នឹងសំរេចចិត្តប្រើប្រាស់ផលិតផល ឫសេវាកម្មរបស់អ្នកជាក់ជាមិនខាន។ មាតិការដែលល្អគួរណាស់តែមានការប្រើប្រាស់ព៍ណទៅតាមលក្ខណះនៃផលិតផល និងមានភាពស៊ីគ្នានិងអតិថិជនគោលដៅរបស់អ្នក។ ឧទាហរណ៏ អ្នកលក់ផលិតផលសំរកទំងន់ ដូចនេះក្នុងមាតិការគួរណាស់តែមានទាក់ទងនឹងវិធីសាស្ត្រសំរកទំងន់។ ទោះជាពួកគាត់ជ្រើសរើសវិធីសាស្ត្រសំរកទំងន់តាមធម្មជាតិដែលយើងផ្តល់ឲ្យ ក៏ពួកគាត់បានដឹងពីផលិតផលសំរកទំងន់ដែលអ្នកមាន ដូចនេះថ្ងៃណាមួយពួកគាត់អាចសំរេចចិត្តប្រើប្រាស់ ឫក៏ផ្សព្វផ្សាយទៅអ្នកដែលចង់ប្រើប្រាស់ផលិតផលសំរកទំងន់។



4.បង្កើតទំនាក់ទំនងជិតស្និត

ការមានឯកទេសខាងផលិតផល ឫសេវាកម្មវាមិនខុសនោះឡើយ ប៉ុន្តែអ្នកមានឯកទេសពិតប្រាកដមិនបានអ៊ួតខ្លួនទៅកាន់អតិថិជនឡើយ។ ម្យ៉ាងវិញទៀតអតិថិជន ក៏មានភាពហត់នឿយក្នុងការស្តាប់នូវដំបូន្មានរបស់អ្នកដែលមានលក្ខណះខុសពីបទពិសោធន៏ និងស្ថានភាពរបស់គាត់ដែរ។ ការសំរេចចិត្តទិញអ្វីមួយរបស់អតិថិជនគឺស្ថិតត្រង់ថា ពួកគាត់ស្គាល់, ចូលចិត្ត និងជឿជាក់។ បកមកវិញក្នុងវិបសាយអាជីវកម្មរបស់អ្នកគួរណាស់តែផ្តល់ឲ្យអតិថិជននៅទីតាំងណាមួយ ដែលអាចអោយពួកគាត់មានភាពងាយស្រួលក្នុងការទំនាក់ទំនងជាមួយអ្នក និងផ្តល់ជាមតិលើផលិតផល និងសេវាកម្មតាមដែលពួកគាត់បានដឹង ឫក៏ការសុំការប្រឹក្សាយោបល់ពីអ្នក។


5.មិនគួរណាពេញចិត្តនឹងយុទ្ធសាស្រ្តអាជីវកម្មតាម Internet របស់អ្នកពេកឡើយ

ការកសាងអាជីវកម្មទាំងក្នុង ឫក្រៅពិតណាស់ចាំបាច់ត្រូវតែមានការសិក្សាបន្ថែម បូកនឹងការអភិវឌ្ឍ។ ការធ្វើឲ្យមានការលូតលាស់ក្នុងពិភព Internet ក៏មិនមានភាពងាយស្រួល និងនិរន្តរភាពគ្រប់ពេលនោះឡើយ។ វាពិតជាមានហានិភ័យយ៉ាងច្រើនៅពេលដែលអ្នកមិនមានវិធីសាស្ត្រថ្មីក្នុងការអភិវឌ្ឍផលិតផល ឫសេវាកម្មក្នុងវិបសាយរបស់អ្នក ដោយអតិថិជននឹងមានការងាកទៅប្រើប្រាស់ផលិតផល និងសេវាកម្មរបស់អ្នកផ្សេង។ ដូចនេះអ្នកគួរណាស់តែស្វែងរកវិធីសាស្ត្រថ្មីៗ ដែលនូវតែអាចឲ្យអតិថិជនពេញចិត្តនឹងចូលទៅកាន់វិបសាយរបស់អ្នកក្នុងការរុករកទំនិញដែលពួកគាត់ត្រូវការ។
ប្រភព៖v-shared.com