ការព្យាបាល​ជំងឺលើសឈាម​តាមបែបស្តង់ដារផ្តោតសំខាន់​ទៅលើបំលាស់ប្តូរ​ជីវិ​តរស់នៅ​ប្រចាំថ្ងៃ។ ការ​ធ្វើលំហាត់ប្រាណ, សម្រកទម្ងន់, ផ្លាស់ប្តូរ​របបអាហារ, ព្យាបាល​បញ្ហា​គេង​ពុំលក់, ឈប់​ជក់បារី, និងមាន​បំលាស់ប្តូរ​ជាច្រើន​ផ្សេងទៀត។ ប្រសិនបើ​ការផ្លាស់ប្តូរជីវិត​រស់នៅប្រចាំថ្ងៃ​នៅតែពុំមាន​ប្រសិទ្ធិភាព​ជួយសម្រកអាការៈ​លើសឈាមបាន ជា​ធម្មតា វេជ្ជបណ្ឌិត​ណែនាំឲ្យទទួលការ​ព្យាបាល។ មនុស្សភាគច្រើនពិបាក​នឹងអនុវត្ត​បំលាស់ប្តូរជីវិត​រស់នៅប្រចាំថ្ងៃ​ណាស់ ហើយការព្យាបាល​តែងតែប៉ះពាល់​ដល់សុខភាព។ ការ​ព្យាបាល​ជំងឺលើសឈាម​តែងតែប៉ះពាល់​ដល់សុខភាព​ដូចជា៖ វិលមុខ និង​ឈឺក្បាល។

វិធីសាស្ត្រព្យាបាល​ជំងឺលើស​ឈាមម្យ៉ាង​ទៀតគឺ ប្រើឱសថ​ចិនបុរាណ។ ឱសថចិន​នេះត្រូវ​បានគេជឿ​ថា អាចជួយការ​ពារលំហូរ​ឈាម និងជួយការ​ពាររាងកាយ​ពីការ​កើតជំងឺ។

ប្រសិន​បើ​ការពារ​លំហូរឈាម​មានប្រសិទ្ធិភាព នោះរាងកាយ​នឹងសះស្បើយ​បាន​ឆាប់រហ័ស។ វិធី​សាស្ត្រ​បែប​ចិនបុរាណ​នេះប្រើដើម្បី​សម្រួល​ដល់ការ​លំហូរឈាម​ឲ្យបាន​ល្អតាម​រយៈការ​ព្យាបាល​រាងកាយ, ពេលខ្លះតាម​រយៈការ​ចាក់ម្ជុល។ គន្លឹះគ្រប់គ្រង​សម្ពាធឈាម​គឺនៅត្រង់​ថ្គាម និងក។ ចំណុចទី ១ និងទី ២ត្រង់ខ្សែ​បន្ទាត់​ចុះទៅដល់ក, ចាប់​ពីទង​ត្រចៀក​ទៅដល់​ឆ្អឹង​ដង​កាំបិត។ ចំណុចទី ៣ស្ថិតនៅ​ខាងមុខត្រចៀក។

សម្រួលដល់​ប្រព័ន្ធសរសៃប្រសាទ​ដើម្បីកាត់​បន្ថយ​ភាពតានតឹង, ចង្វាក់​បេះដូងចុះខ្សោយ និងកាត់បន្ថយ​អាការៈ​លើសឈាម។ វេជ្ជ​បណ្ឌិត​បាន​ប្រើឧបករណ៍​ពិសេសៗ​ដើម្បី​សម្រួល​ដល់ប្រព័ន្ធ​សរសៃ​ប្រសាទ ដើម្បីគ្រប់គ្រង​អាការៈលើស​ឈាម​របស់​អ្នកជំងឺ។ តែទោះបីជាយ៉ាងណាក៏ដោយ វិធីសាស្ត្រ​ព្យាបាល​បែប​ចិន​សាមញ្ញ​អាច​ជួយសម្រួល​ដល់​ប្រព័ន្ធ​សរសៃ​ប្រសាទ ដោយមិនចាំបាច់​ត្រូវវះកាត់​ឲ្យ​មានការឈឺចាប់។

យកម្រាមដៃចុចថ្នមៗ​យឺតៗត្រង់​ចំណុចទី ១ ទៅដល់ចំណុចទី ២ ធ្វើការ​ម៉ាស្សាឲ្យ​បាន ១០ដង​ក្នុងម្ខាងៗ បន្ទាប់​មកយកម្រាមដៃ​ចុចត្រង់​ចំណុចទី ៣ ម៉ាស្សាថ្នមៗ​រយៈពេល ១នាទី​ក្នុង​ម្ខាងៗ។

ប្រើវិធីម៉ាស្សា​ខាងលើឲ្យ​បានយ៉ាង​ហោចណាស់ ១ម្តងក្នុង ១ថ្ងៃ ដើម្បី​កាត់បន្ថយ​អាការៈលើស​ឈាម។ ហើយអ្នក​ក៏អាចប្រើវិធីនេះ​នៅពេលណាដែល​អ្នកមានភាពតានតឹង ឬរសាប់​រសល់ ដើម្បី​ឲ្យសម្ពាធឈាម​ស្រកចុះបាន​ឆាប់រហ័ស៕