មើល​ខ្សែបាតដៃ​អាច​ទស្សន៍ទាយ​ដឹង​ពី​ខ្លួន​របស់​អ្នក

ខ្សែបាតដៃ​ខាងឆ្វេង​របស់យើង​ប្រាប់​ពីសមត្ថភាព​គ្រប់យ៉ាង​តពីដូនតា ហើយ​វាក៏អាចឲ្យ​យើង​បាន​ដឹងពីអនាគត​ផងដែរ។ ចំណែក​ឯបាតដៃ​ខាងស្តាំ​វិញ​បង្ហាញពីអ្វីៗ​គ្រប់យ៉ាង​ដែល​យើង​ធ្វើបានសម្រេច​តាំ​ពី​មុន​រហូត​មកដល់​បច្ចុប្បន្ន​។
លើសពីនេះ​ទៀត បាតដៃ​ដែលស្រណុក​បង្ហាញពី​ចរិកលក្ខណៈ​តពីដូនតា និងសក្តានុពល​របស់យើង ចំណែក​ឯបាតដៃ​ដែលសកម្មធ្វើ​ការងារ​ច្រើន បង្ហាញ​ពីបំលាស់ប្តូរ​ចរិកលក្ខណៈ​ពិសេស​តពីដូនតា។ ប្រសិនបើ​សញ្ញា​នៅលើបាតដៃ​សកម្ម និងបាតដៃស្រណុក​មាន​ភាពខុសប្លែកគ្នា មានន័យថា មនុស្សម្នាក់​នេះធ្វើការងារ​យ៉ាងសកម្ម ហើយ​មាន​សមត្ថភាព​យកឈ្នះ​លើការ​ប្រកួតប្រជែង​គ្រប់យ៉ាង។ ដៃស្តាំ​មនុស្សច្រើន​តែជា​ដៃដែល​សកម្មជាង​គេ ចំណែកឯ​ដៃឆ្វេង​ជាដៃស្រណុក ហើយ​ករណីខ្លះ ផ្ទុយគ្នា ដៃឆ្វេង​ជាដៃ​ដែល​សកម្ម​ជាងគេ​វិញ។ មនុស្សដែល​មានបាតដៃ​តូចត្រូវ​បាន​គេគិតថា ជាមនុស្សដែល​សកម្មច្រើន ហើយពួកគេតែងតែ​ចំណាយពេលវេលា​គិតគូតិចតួច អំពីអ្វី​ដែលពួកគេ​នឹង​គួរធ្វើ។
ខាងក្រោមនេះ​ជាការបកស្រាយ​អំពីខ្សែបាតដៃ​របស់អ្នក៖

១. ខ្សែជីវិត
ខ្សែជីវិតនេះ​ចាប់ផ្តើម​នៅចន្លោះ​មេដៃ និងម្រាមដៃ​ចង្អុល ហើយឆ្ពោះ​ទៅកាន់​កដៃ។ ប្រសិនបើខ្សែ​នេះវែង ហើយជ្រៅ​មានន័យថា អ្នកមាន​សុខភាពល្អ ហើយ​មានអាយុវែង។ តែ​បើខ្សែ​នេះបំបែកត្រង់​ចំណុចណាមួយបង្ហាញថា អ្នកមាន​ជំងឺច្រើន ឬជួប​នឹងសំណាង​មិនល្អ។

២. ខ្សែក្បាល
ខ្សែក្បាលនេះស្ថិតនៅពីលើ​ខ្សែជីវិត។ ខ្សែក្បាល​វែង ហើយជ្រៅ​មានន័យថា ក្នុងចិត្តមានភាពច្របូកច្របល់​ច្រើន ចំណែកឯខ្សែ​ក្បាលខ្លី ហើយ​ជ្រៅ ក្នុងចិត្តរបស់​ធម្មតាៗ។ ប្រសិន​ខ្សែនេះ​ធ្លាក់ចុះក្រោម​បញ្ជាក់​ថា អ្នកជាមនុស្សមានគំនិតរវើរវាយ​ច្រើន។ ប្រសិនបើវា​បាញ់​លើឡើងលើមានន័យថា ជាមនុស្សដែល​ចូលចិត្តធុញទ្រាន់​ច្រើន, ជាមនុស្ស​មិន​លំអៀង។ បើខ្សែក្បាល​កើតឡើង​ដំណាលគ្នា​នឹង​ខ្សែជីវិតចាប់ពី​ចន្លោះ​មេដៃ និង​ដៃចង្អុរមានន័យថា ជាមនុស្សមាន​ហេតុផល ហើយ​ទំនាក់ទំនង​រីករាយ​ជាមួយនឹង​មនុស្សភេទ​ផ្សេង​គ្នា។ បើខ្សែក្បាល​នេះស្ថិតនៅឃ្លាតឆ្ងាយពីលើខ្សែ​ជីវិត​មានន័យថា៖ ជាមនុស្ស​លាក់ពុត។ បើមានខ្សែបាតដៃផ្សេង​ទៀតរត់​កាត់​ខ្សែក្បាល​តែ​បន្តិច​មានន័យថា ជាមនុស្ស​មាន​បញ្ហា​ខួរក្បាល។

៣. ខ្សែបេះដូង
ខ្សែបេះដូងនេះស្ថិតនៅពីលើខ្សែក្បាល (ចាប់ពីម្រាមដៃកូនឆ្ពោះ​ទៅកាន់​ម្រាមដៃ​ចង្អុល)។ ប្រសិនបើ​ខ្សែបេះដូង​នេះជ្រៅ, ទន់ ហើយ​វែងបញ្ជាក់​ថា ជាមនុស្ស​ស្មោះត្រង់ និង​មាន​មេត្តា​ករុណា ចេះ​អាណិត​អាសូរ។ ប្រសិនបើចុង​បញ្ចប់នៃ​ខ្សែបេះដូង​ស្ថិតនៅចន្លោះ​រវាងម្រាម​ដៃចង្អុល និងម្រាមដៃ​កណ្តាល​មានន័យថា ជាមនុស្ស​ល្អ, ហ៊ាន​លះបង់។ ប្រសិនបើ​ចុង​បញ្ចប់​នៃខ្សែបេះដូង​ស្ថិតនៅ​ត្រង់ម្រាមដៃ​ចង្អុល​មានន័យ​ថា ជាមនុស្សត្រូវ​ការ​អំណាច។ ចុងបញ្ចប់​នៃខ្សែបេះ​ដូងស្ថិតនៅ​ពីក្រោយម្រាម​ដៃចង្អុល​បញ្ជាក់ថា ជាមនុស្សឲ្យ​ជីវិត​ក្លាយ​ជាអ្នក​ជំនាញម្នាក់។ បើខ្សែ​បេះដូង​នៅជិត​ខ្សែក្បាល​មានន័យថា ជាមនុស្សច្រើនតែឲ្យចិត្ត​ត្រួតត្រា​លើអារម្មណ៍៕
ផ្តល់សិទ្ធិដោយ៖ មង្គលការ