ភ្នំពេញ៖ មន្រ្តីនគរបាល ខេត្តកណ្តាល បានរាយការណ៍ឲ្យដឹងថា នៅម៉ោងប្រមាណ១៖៣៥នាទី យប់ចូលថ្ងៃទី១៧ ខែកក្កដា ឆ្នាំ២០១៥ រថយន្តមួយគ្រឿងដែលបុកបុរសម្នាក់ស្លាប់ នៅចំណុច ផ្លូវបំបែកជាបួន ម្តុំស្ពានព្រែកសំរោង ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល ត្រូវបានរកឃើញហើយ ដោយម្ចាស់ រថយន្តជិះយកមកចតចោល នៅក្នុងមន្ទីរពេទ្យរុស្ស៊ី ហើយដោះស្លាកលេខបោះចោល រួចម្ចាស់រថយន្ត រត់គេចខ្លួនបាត់។ រថយន្តដែលបុក នោះ មិនមែន VIGO ទេ គឺរថយន្ត NISSAN NAVARA ពណ៌ខ្មៅ។

ឧត្តមសេនីយ៍ អ៊ាវ ចំរើន ស្នងការនគរបាល ខេត្តកណ្តាល បានចាត់បញ្ជូនមន្រ្តីនគរបាល របស់លោក ទាំង កណ្តាលយប់ មកស្ទួចយករថយន្តបង្កគ្រោះថ្នាក់ចរាចរណ៍ ពីមន្ទីរពេទ្យរុស្ស៊ី នៅក្នុងទឹកដី ខណ្ឌចំការមន រាជធានី ភ្នំពេញ យកទៅកាន់ស្នងការដ្ឋាន ខេត្តកណ្តាល ដើម្បីហៅម្ចាស់រថយន្ត ចូលខ្លួនមកដោះស្រាយ និងសងសំណង ដល់ជនរងគ្រោះ និងចាត់ការតាមផ្លូវច្បាប់។

សូមជំរាបថា នៅម៉ោងប្រមាណ១២៖១៥នាទី រថយន្តមួយគ្រឿង ពាក់ស្លាកលេខ ភ្នំពេញ៖ 2AA-7993 បានបើក បុកបុរសម្នាក់ជិះម៉ូតូ នៅចំណុចផ្លូវបំបែកជាបួន ម្តុំស្ពានព្រែកសំរោង ស្ថិតក្នុងសង្កាត់តាខ្មៅ ក្រុងតាខ្មៅ ខេត្ត កណ្តាល, បណ្តាលឲ្យបុរសម្នាក់ដែលជិះម៉ូតូស្លាប់នៅនឹងកន្លែងតែម្តង។ ដោយថយន្ត NISSAN នោះបានបើក រត់គេច ឡើងមកភ្នំពេញតែម្តង។ ប៉ុន្តែស្លាកលេខរថយន្ត VIGO នោះបានជុះនៅកន្លែង៕

ផ្តល់សិទ្ធដោយ ដើមអម្ពិល