ភ្នំពេញៈ​នគរបាល​កំពុង​រង់ចាំ​ដីកា​ចាប់​ខ្លួន​ពី​តុលាការ​ក្រោយ​ពី​កំណត់​បាន​នូវ​អត្តសញ្ញាណ​របស់​​​បុរស​ម្នាក់​​ដែល​ជា​អង្គរក្ស​របស់​លោក​ឧកញ៉ា សុខ ប៊ុន ដែល​រួម​ដៃ​​ជាមួយ​លោក​ សុខប៊ុន ធ្វើ​បាប​អតីត​ពិធីការិនី​ទូរទស្សន៍ កញ្ញា​ សាសា កាលពី​ដើម​ខែ​នេះ​។

លោក សុខ ខេមរិន្ទ ប្រធាន​នាយកដ្ឋាន​នគរបាល​ព្រហ្មទណ្ឌ​ក្រសួង​មហាផ្ទៃ​បាន​ឲ្យ​ដឹង​កាលពី​ម្សិលមិញ​ថា​ជន​មិន​ស្គាល់​អត្តសញ្ញាណ​ដែល​សាលា​ដំបូង​រាជធានី​ភ្នំពេញ​បាន​ចោទ​ពី​បទ​ប៉ុនប៉ង​មនុស្ស​ឃាត​ និង​ប្រើប្រាស់​អាវុធ​ដោយ​គ្មាន​ការ​អនុញ្ញាត​នៅ​មិន​ទាន់​មាន​សាវតារ​ពេញ​នៅក្នុង​ដៃ​​នៅ​ឡើយ​ទើប​ស្ថាប័ន​តុលាការ​មិន​អាច​ចេញ​ដីកា​ចាប់​ខ្លួន​បាន​។

លោក​ថា​ ក្រោយ​ការ​ចូល​ខ្លួន​មក​តុលាការ​របស់​លោក សុខ ប៊ុន កាលពី​ថ្ងៃ​សៅរ៍​ហើយ​នៅពេល​នេះ​លោក​ សុខ ប៊ុន ត្រូវ​បាន​ចោទប្រកាន់​ និង​ឃុំ​ខ្លួន​នៅ​ពន្ធនាគារ​មក​តុលាការ​ និង​សមត្ថកិច្ច​នគរបាល​មាន​ពន្លឺ​ក្នុង​ការ​ស្វែងរក​ចាប់​ខ្លួន​អង្គរក្ស​​គាត់​។

​លោក​ថា៖ «ពី​មុន (សុខប៊ុន ត្រូវ​ចាប់​ខ្លួន) បើ​ចេញ​ដីកា (ចាប់​ខ្លួន) ទាល់តែ​គេ​ស្គាល់​សាវតារ​យើង​ទាក់ទង​ទៅ​ក្រុម​គ្រួសារ​លោក ស៊ុខ ប៊ុន ក៏​គេ​មិន​ស្គាល់​។ គេ​ជា​អង្គរក្ស​គាត់​ហើយ​យើង​ស្គាល់​តែ​ឈ្មោះ​ហៅ​ក្រៅ​អ៊ីចឹង​យើង​មិន​អាច​មាន​ដីកា​ដោយសារ​ក្នុង​ដីកា​ត្រូវ​មាន​សាវតារ​ទាំងអស់។ តែ​ពេល​នេះ​យើង​បាន​ទទួល​ព័ត៌មាន​មួយ​ចំនួន​ឲ្យ​យើង​ធ្វើការ​បាន​ហើយ​»។

រឿង​ក្តី​សេដ្ឋី​អចលនទ្រព្យ លោក សុខ ប៊ុន និង​អង្គរក្ស​ប្រើ​ហិង្សា​លើ​អតីត​ពិធីការិនី​ទូរទស្សន៍ កញ្ញា ឯក សុជាតា ហៅ​សាសា បាន​កើតឡើង​នៅ​ថ្ងៃ​ទី​ ២ ខែ​កក្កដា​នា​ភោជនីយដ្ឋាន​មួយ​កន្លែង​ប៉ុន្តែ​បាន​លេចឮ​ក្រោយពី​មាន​វីដេអូ​ឃ្លីប​នៃ​អំពើ​ហិង្សា​នេះ​នៅ​ថ្ងៃ​ទី​ ៨ កក្កដា។ លោក សុខ ប៊ុន បាន​គេច​ខ្លួន​ទៅ​ក្រៅ​ប្រទេស​ហើយ​ក្រោយមក​បាន​​ប្រកាស​​លាលែង​ចេញ​ពី​ងារ​ជា​ឧកញ៉ា និង​ប្រធាន​សមាគម​វាយតម្លៃ​អចលនវត្ថុ និង​ប្រធាន​ក្រុមហ៊ុន Teho Development Co.,Ltd ដោយសារ​អំពើ​មួយ​នេះ។

នៅ​ថ្ងៃ​ទី​ ១៨ កក្កដា លោក​ សុខ ប៊ុន បាន​មក​ដល់​ប្រទេស​កម្ពុជា​វិញ​ហើយ​សមត្ថកិច្ច​បាន​នាំ​ខ្លួន​ពី​ព្រលាន​យន្តហោះ​មក​កាន់​សាលា​ដំបូង​រាជធានី​ភ្នំពេញ​ឲ្យ​ធ្វើការ​សាកសួរ​ក្រោម​បទ​ចោទ​ប្រើ​ហិង្សា​មាន​ស្ថាន​ទម្ងន់​ទោស​ហើយ​ត្រូវ​បញ្ជូន​ទៅ​ឃុំ​នៅ​គុក​ព្រៃស​ជា​បណ្តោះអាសន្ន​។ រីឯ​អង្គរក្ស​ដែល​មិន​ស្គាល់​ឈ្មោះ​រង​ការ​ចោទ​ពី​បទ​ប៉ុនប៉ង​មនុស្ស​ឃាត និង​ប្រើប្រាស់​អាវុធ​គ្មាន​ការ​អនុញ្ញាត​។

មេធាវី​ការពារ​ក្តី​ឲ្យ​កញ្ញា​ សាសា លោក ពុធ ធាវី បាន​ថ្លែង​ថា​លោក​ សុខ ប៊ុន បាន​ព្យាយាម​លាក់​ពី​ប្រវត្តិរូប​របស់​អង្គរក្ស​ខ្លួន​ក្នុង​ការ​សាកសួរ​កាលពី​ថ្ងៃ​ទី ១៨ កក្កដា​ដោយ​មិន​ប្រាប់​អាស័យដ្ឋាន​ដល់​តុលាការ​ឡើយ។

លោក​ថា៖ «សុខប៊ុន កុហក សាវតារ​ជាតិ​ចំពោះ​អង្គរក្ស​គាត់​។ កាល​ណា​គេ​ស្រាវជ្រាវ​រក​សាវតារ​ឃើញ​នោះ​ចៅក្រម​ស៊ើបសួរ​នឹង​ចេញ​ដីកា​ស្វែងរក​ការ​ចាប់​ខ្លួន​បាន​ហើយ​»។

លោក​ថា៖ «រឿង​អី​លោក​ សុខ ប៊ុន អត់​ស្គាល់​អង្គរក្ស​ផ្ទះ​នៅ​ណា​ម៉េច​គាត់​ហ៊ាន​ឲ្យ​នៅ​ជាមួយ? ពេល​សាកសួរ​គេ​សួរ​ទាំងអស់​គាត់​ថា​ អត់​ស្គាល់​ប្រវត្តិរូប​អង្គរក្ស​ហ្នឹង​ទេ​»​។

ទោះ​យ៉ាង​ណា​លោក សុខ ខេមរិន្ទ ឲ្យ​ដឹង​ថា​អង្គរក្ស​លោក សុខ ប៊ុន អាច​នឹង​ត្រូវ​រកឃើញ​ក្នុង​ពេល​ឆាប់ៗ​នេះ។ «បើ​យើង​ចាប់​ សុខ ប៊ុន បាន​ប៉ុណ្ណេះ​ហើយ​អង្គរក្ស​យើង​មិន​ទុក​ទេ។ យើង​មិន​អាច​ធ្វើ​ភ្លាម​បាន​ភ្លាម​ទេ។ យើង​កំពុង​ធ្វើ​ជង់​សម្រាប់​ដាក់​កុក​ហើយ»​។

លោក​ ខេមរិន្ទ ក៏​បាន​បដិសេធ​ចំពោះ​បណ្តឹង​ពី​ភាគី​ជនរងគ្រោះ​ជា​ជនជាតិ​ជប៉ុន​ដែល​ជា​មិត្តភក្តិ​របស់​ សាសា ដែល​មាន​ការ​រាយការណ៍​ថា​បាន​ប្តឹង​នគរបាល​ប្រឆាំង​នឹង​លោក សុខ ប៊ុន ពី​ករណី​​រំលោភ។ លោក​ថា​សមត្ថកិច្ច​របស់​លោក​មិន​បាន​ទទួល​បណ្តឹង​នេះ​ទេ​។

លោក យិន សុភី មេធាវី​លោក សុខ ប៊ុន បាន​ថ្លែង​ថា​លោក​បាន​ឮ​ពី​ប្រព័ន្ធ​ផ្សព្វផ្សាយ​ និង​មិន​បាន​ទទួល​ឯកសារ​ផ្លូវការ​ទាក់ទង​នឹង​បណ្តឹង​ពី​បទ​រំលោភ​នេះ​ទេ​។

ករណី​លោក សុខ ប៊ុន និង កញ្ញា​ សាសា បាន​ក្លាយ​ជា​ព័ត៌មាន​ក្តៅ​សម្រាប់​ប្រព័ន្ធ​ផ្សព្វផ្សាយ​ទាំង​ជាតិ​ និង​អន្តរជាតិ​កាលពី​សប្តាហ៍​កន្លង​ទៅ​នេះ​រហូត​ដល់​លោក​នាយករដ្ឋមន្ត្រី ហ៊ុន សែន និង​រដ្ឋមន្ត្រី​ក្រសួង​មហាផ្ទៃ លោក ស ខេង បាន​បញ្ជា​ឲ្យ​មាន​ការ​ស្រាវជ្រាវ​ឃាត់​ខ្លួន​លោក សុខ ប៊ុន ទោះបី​ជា​បុរស​អ្នក​មាន​រូប​នេះ​បាន​សរសេរ​លិខិត​ចំហ​ពីរ​លើក​សុំទោស​ជា​សាធារណៈ​នូវ​ទង្វើ​របស់​ខ្លួន និង​សុំ​អន្តរាគមន៍​ពី​លោក​នាយករដ្ឋមន្ត្រី​ឲ្យ​ខ្លួន​មាន​សេរីភាព​ក៏ដោយ​។

លោក លាង សំណាត់ ចៅក្រម​ស៊ើបសួរ​សាលា​ដំបូង​រាជធានី​មិន​អាច​ទាក់ទង​បាន​ទេ​កាលពី​ម្សិលមិញ៕

English:

THE police are waiting for an arrest warrant from the court after the identity of the man, the Duke's bodyguards Sok Bun Bun mistreated former TV host Miss earlier this month.
Khemarin head of the Criminal Police Department of the Ministry of Interior, said yesterday that the unidentified municipal charged attempted murder and the use of weapons without permission does not have any background in the judiciary Can not issued an arrest warrant.
That's due back in court Sok Bun on Saturday, when Mr. Bunting was charged and detained in prisons, courts and police have a light to find his bodyguards.
He said: 'Before (Bun arrest) warrant (arrest), known until we contact the family background Swedish Bun they do not know. As his bodyguards, and we know the nickname so we can not have a warrant in order to have all the background. Only this time, we've got some information for us to work.
Case real estate tycoon Sok Bun and violent bodyguards on the former TV host Miss Socheata call occurred on July 2 restaurants but spread after a video clip of the violence on July 8. Sok Bun fled abroad and later announced his resignation from the title of Duke and director of the Appraisers Association and chairman Teho Development Co., Ltd.
On July 18, Sok Bun arrived in the country, and the cops took from the airport to the Municipal Court questioning under charges of using violence with aggravating circumstances, and was sent to Prey Sar prison temporarily. The bodyguard, who do not know the name, accused of attempted murder and the use of weapons without permission.
Sept. defense lawyers Wednesday said Sok Bun was trying to hide from their bodyguards profile inquiry on July 18, without having to address the court.
He said: 'Bun lie background for his bodyguards. When they find background research, the investigating judge issued a warrant for the arrest and search.
He said: 'Okay, Sok Bun home without bodyguards How dare he? When questioned, they all ask him, do not know the profile perfectly bodyguards.
However Khemarin said Sok Bun bodyguards could be found in the near future. If we are willing Bun matter and we do not trust bodyguards. We can not do immediately, immediately. We are working for the stack imprison.
Khemarin also denied complaints from victims of the Japanese side, a friend of the police reports filed against Sok Bun rape. He said that his jurisdiction did not accept this claim.
Yin Sophy Sok Bun lawyer, said he had heard from the media and had not received any official documents related to complaints of violating .
Sok Bun September and has become a hot news for both the national and international media in the past week up to the Prime Minister Hun Sen and Minister of Interior Sar Kheng ordered detained research Sok Bun, even if the rich man wrote a letter two open public apology his actions and asked for intervention from the Prime Minister to be free.
Wash drift Municipal Court investigating judge could not be reached for comment yesterday.