វិធីសាស្ត្រ​ធ្វើឲ្យ​អ្នកក្លាយជាមនុស្សដ៏ស្រស់ស្អាត​ក្នុងរយៈ​ពេលតែប៉ុន្មាននាទី

ដើម្បីឲ្យ​សម្រស់​របស់អ្នក​មានភាពស្រស់​ស្អាត អ្នកត្រូវ​ចំណាយពេលវេលា​លើវាបន្តិច។ អ្នកត្រូវ​មានភាព​អត់ធ្មត់​ច្រើន ដើម្បីបង្កើន​សម្រស់​ខ្លួនអ្នក ប៉ុន្តែ​នៅក្នុង​ជីវិត​ដ៏មមាញឹក​សព្វថ្ងៃ​នេះ អ្នកត្រូវ​តែអនុវត្ត​តិចនិច​មួយចំនួន ដើម្បីឲ្យខ្លួន​អ្នកមាន​សម្រស់ស្រស់​ស្អាត។ មនុស្សស្រី​គ្រប់រូបចូលចិត្ត​បង្កើនសម្រស់​តាមផ្លូវ​កាត់ នៅពេលពួកគេ​មាន​គ្មានពេល។ មាន​តិចនិច​ថែរក្សាសម្រស់​មួយចំនួន​ដែលនឹងអាច​ជួយឲ្យ​អ្នកស្រស់ស្អាត ដោយមិនចាំបាច់​ត្រូវចំណាយពេលវេលា​ច្រើន។
ហើយក៏​ត្រូវបានគេឲ្យឈ្មោះ​ម្យ៉ាងទៀត​ថា វិធីលួច​សម្រស់។ វិធីទាំងនេះ​នឹងជួយកាត់បន្ថយ​ពេលវេលា​ជាច្រើន​ម៉ោង​របស់អ្នក​មកត្រឹមតែប៉ុន្មាន​នាទីប៉ុណ្ណោះ ដើម្បី​ជួយបង្កើន​សម្រស់​របស់​អ្នក។
អ្នកអាច​ប្រើគំនិត និងតិចនិច​បង្កើនសម្រស់​ទាំងនេះ ប្រសិនបើអ្នក​ចង់ឲ្យគ្រឿង​អលង្ការ​មាសរបស់អ្នក​ភ្លឺចែងចាំង, ក្រាស់សិតសក់​ស្អាត ឬជក់ផាត់មុខ​របស់​អ្នកស្អាត។ បញ្ហា​ទាំង​អស់​នេះ​អាចដោះស្រាយ​បាន​យ៉ាងងាយ ដោយគ្រាន់តែ​ប្រើតិចនិច​សម្រស់​តាមបែបធម្មជាតិ និងគំនិត​ដែលអ្នក​នឹងពេញចិត្តធ្វើ ហើយធ្វើឲ្យ​អ្នកដទៃ​មានការ​ងឿងឆ្ងល់។ ខាង​ក្រោមនេះ​ជាតិចនិច​សម្រស់មួយចំនួន​ដែលអ្នកគួរតែ​ធ្វើ ដើម្បីបង្កើន​សម្រស់របស់​អ្នក​ក្នុងរយៈពេល​ត្រឹមតែ​ប៉ុន្មាននាទី៖
ធ្វើម៉ូត​សក់ល្បីៗ
ប្រសិនបើអ្នកចង់​បានម៉ូតសក់​ទឹករលកដូច​តារាល្បី មានវិធីសាមញ្ញៗ​ដែលអាច​ធ្វើវា​បាន។ គ្រាន់តែ​ក្រងសក់សើម​របស់អ្នក​ជាបំណែក​តូចៗ រួចអ៊ុត​វាដោយ​ប្រើប្រដាប់​អ៊ុត​សក់​ត្រង់។ បន្ទាប់​មកពន្លា​សក់ក្រង​របស់អ្នក​ នោះអ្នក​នឹងទទួល​បានសក់​រាងទឹករលក។
ធ្វើឲ្យស្បែក​មុខម៉ដ្ឋរលោង​បានលឿន
កិនផ្លែប័រឲ្យ​ម៉ដ្ឋ រួចលាយ​ជាមួយនឹង​ទឹកដោះគោជូរ ២ស្លាប​ព្រាបាយ។ ច្របល់វា​ចូលគ្នាឲ្យ​បានសព្វល្អ ហើយលាប​លើផ្ទៃមុខ​របស់អ្នក។ រង់ចាំរយៈពេល ១៥នាទី ដើម្បីឲ្យ​ស្បែក​ម៉ដ្ឋ​រលោង។
ផាត់ម្សៅ​លើស្បែក​មុខមាន​ជាតិខ្លាញ់​ច្រើន
ការផាត់មុខ​លើស្បែក​មានជាតិខ្លាញ់​ច្រើន​ជាការងារ​មួយគួរ​ឲ្យធុញទ្រាន់​ណាស់ ព្រោះរាល់​ផលិតផល​ផាត់មុខ​ទាំងអស់​នឹងច្របល់ចូល​គ្នានៅលើ​ផ្ទៃមុខ សម្បូរ​ទៅដោយ​ជាតិ​ខ្លាញ់ ហើយធ្វើឲ្យ​សម្រស់​គ្មាន​ភាព​ទាក់ទាញ។ ដើម្បីជៀសវាង​បញ្ហានេះ គួរតែលាបក្រែម​រឹតបន្តឹងស្បែក​ដោយប្រើស្បៃ​ជាមុនសិន បន្ទាប់​មកចាំ​ផាត់មុខ​ជាក្រោយ។
វិធីដើម្បីបិតបាំង​ស្នាមជាំខ្មៅ
ផ្ទៃមុខ​មានស្នាម​ជាំខ្មៅ និងស្នាមអុចខ្មៅ​អាចបិតបាំង​បានដោយ​ការផាត់មុខ។ តែទោះបីជាយ៉ាង​ណាក៏ដោយ ប្រសិនបើអ្នក​គ្មានពេលទេ​នោះ គ្រាន់តែ​លាបក្រែម​ពណ៌ផ្កាឈូក​លើបបូរមាត់​របស់​អ្នក។ វានឹងទាក់ទាញចំណាប់អារម្មណ៍​របស់មនុស្សពីការមើល​ស្នាមជាំខ្មៅឲ្យ​ត្រលប់មក​មើលបបូរមាត់​របស់អ្នក​វិញ ហើយធ្វើឲ្យ​អ្នកមាន​ភាពស្រស់ស្អាត​ឡើង។
ក្រែមបន្ទន់​ស្បែកមុខ
ប្រសិនបើអ្នកមាន​បញ្ហាស្បែកស្ងួត ហើយគ្មានពេលវេលា​ដើម្បីព្យាបាល​វាបាន អ្នកមិនចាំបាច់​ត្រូវបារម្ភ​ឡើយ។ លាបក្រែម​បន្ទន់ស្បែក​មុខ និងរាងកាយ​របស់អ្នក។ ក្រោយរយៈ​ពេល ១៥នាទី ចូលទៅ​ងូតទឹក។ ស្បែកអ្នក​នឹងមាន​ជាតិសំណើម ហើយផ្តល់​សារធាតុចិញ្ចឹម​ដល់ស្បែក​មុខ។
កម្ចាត់អាចម៌រុយ​ដោយប្រើថ្នាំដុស​ធ្មេញ
ប្រសិនបើអ្នក​បម្រុងនឹង​ទៅចូលរួមក្នុង​ពិធីជប់លៀង ឬពិធីរៀប​ការមិត្តភក្តិ ហើយស្នាម​អាចម៌រុយ​បានបំផ្លាញ​សម្រស់​របស់អ្នក។ គ្រាន់តែ​ប្រើថ្នាំ​ដុសធ្មេញ​លាបពី​លើស្នាម​អាចម៌រុយ​ជាការ​ស្រេច។ ស្នាមអាចម៌រុយ​នឹង​ស្ងួត ហើយ​បាត់អស់។
ជួយឲ្យស្បែក​មុខស ស្រស់ស្អាត
លាយតែបៃតង ៣ស្លាបព្រាបាយ​ជាមួយនឹង​ស្ករស ២ស្លាបព្រាបាយ ព្រមទាំងក្រែមផ្តល់​សំណើម ១ស្លាបព្រាបាយ​បញ្ចូលគ្នាឲ្យ​បានសព្វល្អ។ រួចលាបវា​លើផ្ទៃមុខ​របស់​អ្នកថ្នមៗ និងរង់ចាំ​រយៈពេល ១០នាទី។ ឱសថនេះ​នឹងធ្វើឲ្យស្បែក​របស់អ្នកស, ម៉ដ្ឋរលោង និង​ស្រស់ស្អាត។
កម្ចាត់ស្បែក​ស្រអាប់
លាយទឹក​ក្រូចថ្លុង ៣ស្លាបព្រាបាយ​ជាមួយនឹង​ស៊ុតស។ លាយវាលើ​ផ្ទៃមុខរបស់​អ្នក រួចរង់ចាំរយៈពេល ១០នាទី។ វិធីនេះនឹង​ជួយកម្ចាត់ជាតិខ្លាញ់​ចេញពីលើស្បែក​របស់​អ្នក។ ហើយវិធី​នេះក៏ធ្វើឲ្យស្បែក​មុខរបស់​អ្នកស ម៉ដ្ឋ​រលោងផងដែរ។
ព្យាបាល​បញ្ហាមុនក្បាលខ្មៅ
វិធីកម្ចាត់មុនក្បាលខ្មៅ​របស់អ្នកបាន​យ៉ាងងាយស្រួល ដោយគ្រាន់តែ​លាយស៊ុតស ១គ្រាប់ជាមួយនឹង​ទឹកក្រូច ៣ស្លាបព្រាបាយ។ លាបវាពេញលើផ្ទៃមុខ​របស់អ្នក ជាពិសេស​លើមុនក្បាល​ខ្មៅ។ រង់ចាំរយៈ​ពេល ១៥នាទី រួចលាង​សម្អាត​វាចេញ៕
ផ្ដល់សិទ្ធិដោយ មង្គលការ